Flugsafnið á Akureyri fékk í vikunni Waco YKS-7, flugvél sömu gerðar og sú fyrsta sem Flugfélag Akureyrar keypti árið 1937.
Vélin er framleidd í apríl það ár, um sama leyti og gamli TF-ÖRN, sem þekktur er af gömlum ljósmyndum af Pollinum á Akureyri.
Vélin er í mjög góðu ásigkomulagi og verður flughæf þegar búið verður að setja hana saman. Það má því búast við því að hún sjáist á flugi yfir Akureyri í sumar.
Við Waco vélina standa f.v. Svanbjörn sigurðsson, Arngrímur Jóhannsson, Hermann J. Tómasson og Gestur Einar Jónasson. ljósm. Þorgeir Baldursson.
