Seinni hluti Silfur Jodelsins var haldinn s.l. laugardag

Keppni var æsi spennandi og voru heildar úrslit eftirfarandi.

1. Sigurjón Valsson                     TF-UFO
2. Ómar Bjarnason                      TF-POU
3. Maggnús Vikingur                    TF-REF
4. Frosti Heimisson                     TF-134

heildar listann er að finna á heimasíðu FKM www.fkm.is Myndir frá laugardeginum er að finna í myndaalbúminu hér á Flugfréttum.



Ágúst Jóel Magnússon keppti á TF-DAB en hún er ný komin úr smá yfirhalningu frá KAK hópnum sem í byrjun var settur saman til að gera upp TF-KAK en nú eiga þeir einnig þennan Piper Clipper.

Í dag 3. september eru 90 ár liðin frá því flugvél var fyrst flogið í Vatnsmýrinni.

Var það flugmaðurinn Faber sem flaug Avro 504 flugvél sinni síðdegis þann dag.   Í Morgunblaðinu daginn eftir er sagt frá þessum viðburði.  Þar kemur fram að um klukkan 5 hafi gerst óvæntur atburður suður á Flugvelli.  Reynsluflugið var ákveðið þá strax og án þess að nokkur vissi ók Faber vélinni út á völl, settist við stýrið og rendi á stað.  Vélin rann nokkra tugi faðma niður eftir túninu, eins og álft sem flýgur upp af vatni, og síðan losnaði hún frá jörðu og smá hækkaði.  Hljóðið frá mótornum heyrðist inn í bæinn og menn fóra að skima í kringum sig.  Og allir sem skimuðu ráku augun í það sama:  vélin leið áfram um loftið eins og risavaxinn fugl, stöðugri en nokkur vagn á rennsléttum vegi, sneri sér krappar beygjur og tylti sér eftir dálitla stund aftur á grassvörðinn," segir í Morgunblaðinu 4. sept. 1919. 
MBL greindi frá í dag 03.09.09


Avro 504 eins og sú er tók sig til lofts í Vatnsmýrinni 3.09.1919  ljósm frá mbl.is

Á laugardaginn gerðist það óhapp að flugvél var ekið á kyrrstæðan bíl á rampinum við Skýli 1, var bíllinn mannlaus en viðkomandi ökumaður hafði tilskilin leyfi til að vera á honum innan flugvallarsvæðisins.  Flugmaður vélarinnar listflugsvélarinnar sá hins vegar ekki bílinn er hann kom inn á stæðið en útsýni úr tvíþekjunni takmarkað í akstri og sjaldan þurfa flugmenn að búast við umferð ökutækja á flugstæðum.

Þetta vekur til umhugsunar hvort ekki þurfi að takmarka enn frekar umferð ökutækja á flugstæðum við völlinn.

Sjónvarpsstöðin ÍNN er með í sýningu þætti um áfangastaði Flugfélags Íslands.  Þættirnir eru skemmtilegir fyrir áhugamenn um flug því í byrjun hvers þáttar er sýnt frá aðfluginu á hvern stað úr flugstjórnarklefanum og á jörðu niðri.  Í kvöld miðvikudag kl:21 verður sýndur þáttur um heimsókn til Ísafjarðar.  Það eru félagarnir og flugmennirnir Árni Arnason og Snorri Bjarnvin Jónsson sem framleiða þættina.
Fyrri þátturinn um Ísafjörð verður sýndur í kvöld miðvikudag og seinni þátturinn eftir viku.

Sjónvarpsstöðin ÍNN næst með Digital Ísland eða Breiðbandi.
Þættirnir eru einnig á inntv.is
 
hér:
http://www.inntv.is/Horfaáþætti/ReykjavíkAEYÍFJVEYEGSReykjavík/tabid/986/Default.aspx