Hætt hefur verið við óvissuferð FÍE n.k. laugardag vegna þessa hræðilega flugslyss sem varð í kvöld á Vopnafirði.

Félag Íslenskra Einkaflugmanna stendur fyrir óvissuferð laugardaginn 4. júlí n.k. 

Áætlun er að mæta á Tungubakkaflugvelli kl. 09:00 og fara í loftið kl. 10:00.  Flugmenn eru vinsamlegast beðnir um að vera búnir að tanka.  Þar sem um óvissuferð verður að ræða þá veit enginn hvert verður farið nema foringinn sjálfur Otto Tynes.  Munið bylgjulengd á Tungubökkum 118,2MHz.

f.h. Óvissunefndar
Otto Tynes 554-4266 / 893-8198

Íslandsmeistaramótið í listflugi
var haldið á flughelginni á Akureyri um liðna helgi, keppni var hörð sem endra nær en sigurvegari var Ingólfur Jónsson en hann keppti á TF-ABJ.


Ingó með bikarinn góða (ljósm Guðni).

Fleiri myndir af helginni er að finna í myndasafninu hér á síðunni en þær tók Guðlaugur Agnar.

Lokun Kaldármelaflugvallar frá 05. júní hefur verið aflétt.

Nú er búið að opna Kaldármela aftur sbr. NOTAM skeyti frá 16. júní.  Einnig styttist í að völlurinn á Sprengisandi verði opnaður en hann verður valtaður fljótlega og verður þá gefið út NOTAM þess efnis.  Forsvarsmenn Flugmálafélagsins þrýstu mikið á Flugstoði að loka ekki þeim völlum sem tilkynnt var um í vor en þar voru einnig vellirnir á Dagverðará og Krókstaðarmelum.

C-NOTAM nr. 0095/09 Kaldármelar BIKA

NOTAM nr. C 0095/09
A) Staður: Kaldármelar BIKA
B) Gildir frá: 16. júní 2009 kl. 16:55
C) Gildir til: 15. ágúst 2009 kl. 23:59
D)
E) Lokun flugbrautarinnar skv. AIP AMDT, AD 4 05 JUN 2009 hefur verið aflétt. Flugbrautin völtuð og í góðu ásigkomulagi.
Sjá AIP ad 4.

Flughelgin á Akureyri 20. - 21. júní

Dagskrá laugardagsins 21. júní er eftirfarandi:

10:00 - 12:00:        Íslandsmeistaramót í listflugi
12:00 - 13:00:        Opnun sérsýninga / Kraftakeppni draga flugvél
------------------------------------------------------------------------------------
13:00 -  13:15         Mótorsviffluga og listflug á svifflugu
13:15 -13:30           Listflug TF-TOP - Khalide Makagonova
13:30 - 13:45         Fallhlífastökk
13:45 - 14:00         Þyrla Landhelgisgæslunnar
14:00 - 14:15         Spyrna: Bíll vs. Flugvél
14:15 - 14:30         Þristurinn og King Air fljúga
14:30 - 14:40         Yak 55 - Magnús Norðdahl
14:40 - 14:50          Super Cub sýnir listir sínar
14:50 - 15:00         Bóndi úr Svarfaðardal fer í kynnisflug
15:00 - 15:15         TF-CCB  - Khalide Makagonova
15:15 - 15:35         Hópflug gamalla flugvéla
15:35 - 15:45         Magnús Norðdahl flýgur listflug á Zlin
15:45 - 16:00         Yak hópflug
16:00 - 16:15         Fallhlífastökk

www.flugsafn.is

Verkefni í Mosó

Steingrímur Friðriksson flugstjóri hjá FÍ er að smíða Pitts Special S1 og á sama stað er Hafsteinn að smíða One Team vél og sjást myndir af þeim hér fyrir neðan.


Steini við Pitts verkefni sitt.


Hafsteinn við One Team verkefnið.

Flugdagur á Flúðum
Laugardaginn 13. júní ætla flugmennirnir og Flúðabændurnir Maggnús Vikingur og Georg Ottósson að standa fyrir flugdegi á Flúðum.  Er þetta í þriðja skiptið sem þeir félagar standa fyrir slíkri uppákomu. 

Hér kemur smá tilkynning frá þeim Maggnúsi og Georg.
Von okkar er að fá sem flesta flugmenn og flugvélar á svæðið til okkar enda þurfum við að berjast fyrir tilverurétti flugvallarins á Flúðum.  Dagskráin hefst klukkan 14:00 með mætingu flugmanna og gesta.  Þeir sem vilja bjóða gestum í útsýnisflug eru hjartanlega velkomnir í það.  Þyrla verður á staðnum sem og grillaðar pylsur og gos.  Ef aðstæður leyfa verður haldin lendingarkeppni.  ATH. hægt er að fá flugvélabensín á staðnum.
Flugkveðja,
Maggnús Vikingur Grímsson
Georg Ottósson.

Silfur Jódelinn
Fyrri hluti Silfur Jódelsins var haldinn á Tungubökkum s.l. fimmtudag 04. júní og var vel mætt.  Sigurvegari var Maggnús Vikingur á TF-REF með 82 refsistig í 2. sæti var Jón Sverri Jónsson á TF-SPA með 102 stig og í þriðja var Þorsteinn Magnússon á TF-NES með 108 stig.


Þorsteinn Magnússon á TF-NES og eins og sjá má þá fylgdust áhorfendur vel með hvar þeir lenntu.
ljósm. www.fkm.is

Aðalfundur FÍE
Var haldinn í gærkvöldi og eru tvær breytingar á stjórn félagsins en hana skipa í dag.

Valur Stefánsson   formaður
Sigurleifur Kristjánsson
Jóhann Þ. Gunnarsson
Valdimar Einarsson
Guðmundur K. Unnsteinsson
Hörður Sverrisson
Otto Tynes
Sigurður Georgsson.

Fyrri hluti Silfurjódelsins
Verður haldinn á Tungubökkum í kvöld, mæting fyrir kl. 19:00

www.fkm.is

Félag Íslenskra Einkaflugmanna heldur aðalfund sinn í félagsheimili FÍE í Fluggörðum í kvöld kl. 20:00.  hvetjum alla einkaflugmenn til að mæta og taka þátt í félaginu.