Eftirfarandi ályktun var samþykkt á Landsþingi Sjálftstæðisflokksins um s.l. helgi og er það okkur grasrótar fólki sönn ánægja að hún skuli vera svo afdráttarlaus bæði hvað varðar flugvöllinn í Vatnsmýrinni og það reglugerðar fargan sem við höfum verið að berjast við.

Flugsýning Flugmálafélags Íslands í samstarfi við Ísavía og Icelandair verður haldin á Reykjavíkurflugvelli, 10. September kl. 12-16 við Hótel Loftleiðir (Hótel Natura). 

·         Flugvélar af öllum stærðum og gerðum

·         Flugsýning kl. 13-15

·         Fallhlífarstökk

·         Svifflug

·         Sýningarflug á Þristinum

·         Módelflug

·         Farþegaþota Icelandair Boeing 757, lending, flugtak og yfirflug.

·         Listflug

·         Þyrluflug

·         Paramótorflug

·         Fisflug

·         Sýningarflug Landhelgisgæslunnar.

Aðgangur ópeypis.

Komið og upplifið Íslenska flugævintýrið á Reykjavíkurflugvelli.

Pétursbikarinn hin árlega lendingarkeppni Flugklúbbs Selfoss verður haldin næstkomandi miðvikudag 7. september og hefst kl. 18:00. Allir sem flygildi geta valdið eru hvattir til að mæta, taka þátt og hafa gaman af.

Sjá nánar á www.flugklubbur.is

Í dag var farið í hópflug til Vestmannaeyja en tilefnið var að þann 14. ágúst voru 65 ár frá því fyrsta flugvélin lenti á flugvellinum í Eyjum en það var TF-KAK og flugmenn voru þeir Halldór Bech og Hjalti Tómasson.  Í dag var TF-KAK í broddi fylkingar en alls voru 21 flugvél í hopnum og stemmingin frábær. 

Í myndaalbúminu okkar eru nokkrar myndir frá ferðinni og fleiri eiga eftir að bætast við.

Hægt er að sjá video frá fluginu Bakki - Eyjar hér  gæðin eru kanski ekki upp á sitt besta en tökum viljan fyrir verkið. 

Haldið var uppá 75 ára afmæli Svifflugfélags Íslands á sólríkum
degi. Þrátt fyrir svolítinn gust var talsvert fjölmenni. Minnisvarði til
heiðurs Agnari Kofoed-Hansen aðalhvatamanns að stofnun Svifflugfélagi Íslands
var afhjúpaður. Agnar Kofoed-Hansen var fyrsti formaður félagsins. Á
minnisvarðanum er lágmynd og m. a. ummæli A. K.-H. um að svifflug sé fegursta
íþrótt sem til er. Gullmerki voru afhent Þórmundi Sigurbjarnasyni, Sverri
Thorlákssyni og Þorgeiri Pálssyni. Verðlaun voru afhent fyrir besta árangurinn
á Íslandsmótinu, í fyrsta sæti var Steinþór Skúlason, í öðru sæti Kristján
Sveinbjörnsson og því þriðja var Daníel Stefánsson. Eftir kaffi flugu ýmsar
vélar þar sem menn sýndu listir sínar.

Magnús Norðdahl kom á Zlin-inu sínu og sýndi listflug, Benni
Thors kom á Þristinum og flaug listavel í hanginu. Þetta er án vafa fyrsta og
ef til vill eina sinn sem DC 3 flýgur hangflug í Vífilfelli. Þarna var
greinilega maður sem þekkti umhverfið vel. Síðar kom Benni Thors aftur og nú á
Pits vélinni og sýndi ýmsar kúnstir. Þannig sóttu margir félagið heim, akandi
og fljúgandi. Bæjarstjórinn í Kópavogi flaug með Krisjáni formanni og var í
skýjunum, þótt hún væri lent og hafði reyndar haft orð á því fyrr um daginn að
þetta væri eini flugvöllurinn í Kópavogi.

Nokkrar myndir frá deginum er að finna í albúminu okkar.
Hægt er að sjá video frá yfirflugi Þristsins hér