Ísavía hefur gefið út Notam no: 0096/10 vegna flugs til og frá Vestmannaeyjum yfir Verslunarmannahelgina.  Eru flugmenn hvattir til að kynna sér Notam skeytið og sérstaklega er bent á að geta sýnt gilt flugskírteini, lofthæfi flugvélar og hleðslu loftfars.  Notam skeytið er hægt að lesa HÉR.

Fyrirhugað er hópflug á Húnavökuna á Blönduósi n.k. laugardag, mæting í Fluggörðum kl. 12:00 og brottför kl. 13:00.  Björn Thoroddsen verður með listflug á Blönduósi milli 15 og 16 og þyrla LHG verður í æfingum með björgunarsveitunum á staðnum.  Heimamenn bjóða upp á kaffi á vellinum.

Hægt er að sjá dagskrá Húnavökunnar á www.huni.is

FÍE

Enn varð að fresta keppninni og er hún nú fyrirhuguð fimmtudaginn 24. júní n.k.

Fyrri hluti Silfur-Jódel lendingakeppninnar 2010 fer fram fimmtudagskvöldið 24. júní á Tungubakkaflugvelli. Þeir sem ætla að taka þátt mæti ekki seinna en klukkan 19:00.

Öllum flugmönnum er heimil þátttaka og eru menn hvattir til að mæta á staðinn og taka þátt. Athugið að besti árangur úr öðrum hvorum hluta Silfur-Jodelsins telur til úrslita þannig að t.d. er hægt að sigra þó aðeins sé tekið þátt í öðrum hlutanum.

Hér fyrir neðan er dagskrá sumarsins 2010.

Flugmenn eru hvattir til að fylgjast með NOTAM skilaboðum vegna eldgossins í Eyjafjallajökli.  NOTAM

TF-KEX Cessna Cardinal brotlennti.

Slysið gerðist skömmu eftir kl. 16:00 í dag við Syðra Langholt, fjórir voru um borð í vélinni og voru þrír þeirra fluttir með þyrlu LHG til Reykjavíkur. 

TF-KEX er af gerðinni Cessna Cardinal árgerð 1968 en vélin var flutt til landsins 1979 og bar upphaflega einkennisstafina TF-BKB.

Frétt á mbl.is má sjá hér.


Ljósm: www.mbl.is Guðmundur Karl.

Eyjamaðurinn Tryggvi "Bacon" Sigurðsson sem heldur úti bátasíðunni www.123.is/batarogskip sendi mér þessar tvær skemmtilegu myndir sem teknar voru í Eyjum.  Við þökkum Tryggva kærlega fyrir sendinguna og minnum alla lesendur síðunnar á að senda okkur endilega "gamlar og góðar" myndir á netfangið valur@islandia.is til birtingar á Flugfréttum.


TF-EIR í Eyjum.


Douglas frá Flugfélagi Íslands í Eyjum.

Stjórnendur Flugfrétta óskar gestum sínum, flug- og flugáhugafólki öllu gleðilegs nýs árs og þakkar samfylgdina á árinu sem er að líða.

Út er komið á DVD þættirnir Skýjum ofar.

Þættirnir eru sex talsins og voru sýndir á sjónvarpsstöðinni INN.  Þættirnir fjalla um grasrótarflugið á Íslandi og m.a. sýnt frá einkaflugi, listflugi, fisflugi o.fl. o.fl.  Það er ekki oft sem gefnir eru út mynddiskar um grasrót flugsins á Íslandi og er þessi diskur skyldueign allra flug- áhuga manna.  Hægt er að kaupa mynddiskinn í versluninni Kosti á Dalvegi eða beint af útgefanda Dagbjarti Einarssyni flugkennara í síma 696-7268 eða panta hann á netfanginu daddieinars@hotmail.com

Í gær miðvikudaginn 02. september nauðlennti TF-BEZ við Vesturlandsveg.  Vélin er að Beechcraft Skipper gerð og er í eigu Flugklúbbsins Lágflugs. 

"Ég var ótrúlega róleg" grein og viðtal við flugmanninn af mbl.is má lesa hér.


TF-BEZ á slysstað.                    Ljósm: Árni Sæberg www.mbl.is

Flugkoma Félags Íslenskra Einkaflugmanna fór fram um  Verslunarmannahelgina að vanda.   Mæting var með betra móti og veðrið lék við gesti.  Þristurinn mætti á svæðið en það var Olís sem greiddi fyrir þennan gamla grip sem hreinlega er ómissandi á þessu móti.   TM Lendingakeppnin fór fram á laugardeginum og var það Hjörtur á TF-FIM sem bar sigur þetta árið í öðru sæti var Capt. Einar Dagbjartsson á TF-KAF og í þriðja sæti var Frosti Heimisson á TF-134 en alls tóku 22 flugmenn þátt þetta árið og er það met.   Margt var til gamans fyrir krakkana og var m.a. hveitipokakast úr flugvél, pokahlaup, pílukast og svo var hoppukastali á staðnum sem var í stanslausri notkun.  Á laugardagskvöldinu var varðeldur og spiluðu Dagbjartur og Sesselja við eldinn við góðar undirtektir móts gesta. 

Flugkoman gekk í alla staði mjög vel fyrir sig og voru flygildi að öllum stærðum og gerðum en talið er að rétt tæplega 50 vélar hafi mætt á svæðið.  Gaman var að sjá nýja og glæsilega salernisaðstöðu sem þeir Múlakotsmenn eru með í byggingu en hluti hennar var tekinn í notkun fyrir þessa helgi.  Miklar framkvæmdir hafa staðið yfir í Múlakoti undanfarin ár og hafa risið á annan tug sumar/heilsárshúsa auk glæsilegs flugskýlis er ekki hægt að segja annað en að Múlakot sé hrein "flug paradís" en þetta byrjaði allt með flugbakteríu Árna heitins Guðmundssonar flugmanns og bónda frá Múlakot.

Myndir af flugkomunni er að finna hér í myndaalbúmi Flugfrétta en að auki er fjöldi mynda á www.flugklubbur.is og einnig má finna myndir á heimasíðu Baldurs Sveinssonar www.verslo.is/baldur


Þessi mynd er tekin á sunnudeginum en þá þegar höfðu þó nokkrir gestir farið heim á leið.